DANK GOD, DANK HOM ALOM

Woorde: Anoniem
Musiek: JOHANN CRÜGER; verwerk: J.S. BACH

Dank God, dank hom alom
met harte, monde en hande.
Hy't wondere gedoen
aan ons en alle lande.
Van moedersknie het Hy
ons in sy trou gespaar,
met gifte ons oorlaai,
tot hede toe bewaar.

Laat steeds u volk, o Heer,
in U van harte bly wees.
Laat ons, u eiendom,
tog altyd U naby wees.
U slegs kan ons behoed,
ons uit die doolweg lei;
ja, ons van alle nood
hier en hierna bevry.

U, Vader, U sy dank,
ons wil U ewig lowe;
U, Seun en Heil'ge Gees,
Wat saam regeer daar bowe.
U, die Drie-enige,
moet aard' en hemel vrees;
so was dit, is dit nou
en sal dit ewig wees.