NEEM U MY HAND, MY VADER

Woorde: G.G. CILLIÉ, volgens: J. BAUMBACH
Musiek: FRIEDRICH SILCHER, 1850

Neem U my hand, my Vader, en lei U my
totdat in hemelsfere ek by U bly!
Alleen wil ek nie verder, selfs nie een tree.
Wees, Heer, my troue Herder, neem u my mee!

Maak my gerus, tevrede, versterk my hart.
U liefde en u vrede verdryf die smart.
U sorg vol mededoë vir my, u kind.
Ek sluit, gerus my oë, en volg U blind.

Bespeur ek in my lyding niks van u trou,
dan kom die blye tyding!  U het onthou!
U roep my tot U nader, my smart verby,
ek kan vir ewig, Vader, vir ewig bly!

-----
Woorde en musiek:
http://tortel.net/~lochner/blerkas/?lied=388