VERVUL MY HART (Môregesang)

Woorde: Afrikaanse Psalm- en Gesangboek, 1944
Musiek: Liederwysie; harmonisasie: O.A. KARSTEL; verwerk: G.G. CILLIÉ

Vervul my hart met dankbaarheid waar ek nou tot U nader;
verkwik deur u weldadigheid, kom ek tot U, my Vader.
Hoe juig my hart sy danklied uit vir u goedgunstighede;
my eerste lied is dankgeluid, u lof my eerste skrede!
U lof my eerste skrede!

O Skepper van die wêreldrond, maar in u Seun my Vader;
laat my nou in die môrestond eerbiedig tot U nader.
Ek wy U weer die nuwe dag en steun op u geleide.
En wat 'n lot my ookal wag, U staan my trou tersyde,
U staan my trou tersyde.

Liederwysie, uit "Eeufeesliedjies", 1938.  Die teks is opgeneem met die welwillende toestemming van die kopiereghouer: N.G. Kerk-Uitgewers, Kaapstad.