PSALM 126

Woorde: Afrikaanse Psalm- en Gesangboek
Musiek: "Mir ist Erbarmung widerfahren", Liederwysie; verwerk: G.G. CILLIÉ

[2]
Groot was u daad, en ons is bly.
U het gered, en ons is vry!
Maar, Heer, u gunsvolk sit nou weer
in droefnis en ellende neer.
Wil in u trou ons nooit begewe,
maar wend ons lot, laat ons herlewe,
soos waterstrome in Suiderland
die veld laat juig na sonnebrand.

[3]
Wie wenend, onder leed en smaad,
die korrels uitstrooi van die saad,
sal in die hooggehalmde graan
eerlang verblyd die sekel slaan.
Al wenend saai hy oor die akker;
maar vrolik word sy saaigraan wakker.
En eind'lik dra sy nyw're hand
die volle gerwe van die land.

Die teks is opgeneem met die welwillende toestemming van die kopiereghouer: Die Gereformeerde Kerk in Suid-Afrika.