HERDERS OP BETLEHEMS OPE VELDE

Woorde: G.G. CILLIÉ
Musiek: Franse Kerslied; verwerk: C. WOOD

Herders op Betl'hems ope velde,
wat het jul vannag aanskou?
Het die eng'lekoor die tyding
van die Heilands koms gebring?

[KOOR]
Glo-ri-a, in ex-cel-cis De-o!
Glo-ri-a, in ex-cel-cis De-o!

"Ons het die Here self gesien
by Maria in 'n stal.
Vreed op aard', God het die mensdom
vir hom tans laat welgeval."

[KOOR]
Glo-ri-a, in ex-cel-cis De-o!
Glo-ri-a, in ex-cel-cis De-o!

Ons wil ook meegaan na die kribbe
om die Heiland te vereer;
met ons lied sy lof verkondig,
ons Verlosser en ons Heer!

[KOOR]
Glo-ri-a, in ex-cel-cis De-o!
Glo-ri-a, in ex-cel-cis De-o!