BETLEHEM SE STER

Woorde: TIENIE HOLLOWAY
Musiek: BLANCHE GERSTMAN

Sterretjies wat vonkel in die hemelblou,
ek wonder, o so dikwels, of jul ooit onthou
hoe daar een van julle aan die hemeltrans
wyse manne gelok het met sy helder glans?

Weet jul wat het hul toe in die stal gevind?
In die krip se skuilte lê die heil'ge Kind.
Het jul ook die sang van stemme soet gehoor,
stemme in die hemel van die engelkoor?

Weet jul ook van herders wat hul haas na die stal
om voor die tere Kindjie op die knie te val?
Sterretjies wat vonkel in die hemelblou,
ek wonder, o so dikwels, of jul ooit onthou?

Uit "Suid-Afrikaanse Kersliedere, Bundel I", saamgestel deur mev. Jo Ross (Voortrekkerpers), 1968.