VROEG SMÔRENS AS DIE HAANTJIE KRAAI

Woorde: HUGO GUTSCHE; gewysig: G.G. CILLIÉ
Musiek: FRANZ ABT

Vroeg smôrens as die haantjie kraai,
nog voor die daeraad verskyn,
nog voor die oggendwindjie waai,
of voor die donkerte verdwyn,
voor die donkerte verdwyn, die nag verdwyn,
kom deur die blare en oor die bome
die nuus langs paadjies en oor die strome:
"Die liewe Heer gaan deur die woud,
die liewe Heer gaan deur die woud,
die liewe Heer gaan deur die woud."

Die stroompies se gemurmel swyg--
die tyd vir stilte het gekom.
Geen boompie roer meer tak of twyg,
die voëls se fluitgeluid verstom,
voëls se fluitgeluid verstom, geluid verstom.
En selfs die grassies buig stil verslae,
die blomme wagtend met groot behae:
"Die liewe Heer gaan deur die woud,
die liewe Heer gaan deur die woud,
die liewe Heer gaan deur die woud."

Die blomme maak hul kelke oop,
hul wil die nuwe dag begroet.
Hul bring aan almal nuwe hoop
en vul die lug met geure soet,
vul die lug met geure soet, met geure soet.
Daar's oral stilte, die diere luister,
terwyl die bome en blare fluister:
"Die liewe Heer gaan deur die woud,
die liewe Heer gaan deur die woud,
die liewe Heer gaan deur die woud.
Die liewe Heer geen deur die woud."

-----
Woorde en musiek:
http://tortel.net/~lochner/blerkas/?lied=346