KLAAS VAKIE (Ek sal nou maar so saggies aan ...)

Woorde: A.D. KEET
Musiek: J.P.J. WIERTS

Ek sal nou maar so saggies aan
na bed toe gaan.
My ogies is al baie vaak,
ek dwing al om hul toe te maak.
Ek sal maar bed toe gaan.

Ek sal nou maar my moeder kus,
en dan gaan rus.
My ogies is al baie moe,
hul val vanself al sommer toe.
Ek sal maar gou gaan rus.

Ek sal nou maar my ogies sluit;
die lig is uit.
En haar gesig die sien ek tog;
aan haar dink ek gedurig nog,
al is die liggie uit.

Oorgeneem uit J.P.J. Wierts: "Ses Afrikaanse liedere" (J.H. de Bussy).