ZOEM, ZOEM, ZOEM

Woorde: P. MCLACHLAN
Musiek: Duitse Volkswysie; verwerk: CHRIS LAMPRECHT

Zoem, zoem, zoem, bytjie vlieg alom.
Hy soek al die helder kleure,
kanferfoelie, soete geure.
Zoem, zoem, zoem, bytjie vlieg alom.

Zoem, zoem, zoem, bytjie vlieg alom.
Suig die sappies uit die rosie,
bloeisel van die appelkosie.
Zoem, zoem, zoem, bytjie vlieg alom.

Zoem, zoem, zoem, bytjie vlieg alom.
Uit die blomme fris en fleurig
maak hy heuning, soet en geurig.
Zoem, zoem, zoem, bytjie vlieg alom.

-----
Woorde en musiek:
http://tortel.net/~lochner/blerkas/?lied=282