O, EK WOON BY MY PAPPA

Woorde: PIERRE MALAN
Musiek: Franse Volkswysie; verwerk: PIERRE MALAN

O, ek woon by my pappa om sy ambag te leer.
Hy's 'n herder, hy leer my om skapies te skeer.
Ha-ha, ha-hi, ek leer by my pappa,
ha-ha, ha-hi, om skapies te skeer.

En toe ek hul een môre wou laat loop uit die kraal
merk ek daadlik ou wolf het 'n paartjies kom haal!
Ha-ha, ha-hi, ou wolf het 'n paartjies,
ha-ha, ha-hi, vir sy maaltyd kom haal.

Net die bene was oral in die veld rondgestrooi
waar ou wolf rondgelê het en smul aan sy prooi.
Ha-ha, ha-hi, ou wolf rondgelê het,
ha-ha, ha-hi, en smul aan sy prooi.

Van die bene maak ek toe maar 'n fluitjie vir my,
om 'n deuntjie te speel om daar troos uit te kry.
Ha-ha, ha-hi, ek speel toe 'n deuntjie,
ha-ha, ha-hi, om troos uit te kry.