DAAR KOM DIE ROOIDAG UIT

Woorde: Tradisioneel
Musiek: S.A. Volkswysie; verwerk: CHRIS LAMPRECHT

Daar kom die rooidag uit, daar kom die rooidag uit,
daar kom die rooidag uit, môre bak ons mosbeskuit.
Mosbeskuit is 'n lekker ding, daar kom vet en suiker in;
mosbeskuit is 'n lekker ding, daar kom vet en suiker in.

Daar kom die rooidag uit, daar kom die rooidag uit,
daar kom die rooidag uit, môre kook ons moskonfyt.
Moskonfyt is 'n lekker ding, daar kom stroop en suiker in;
moskonfyt is 'n lekker ding, daar kom stroop en suiker in.

S.A. Volkswysie, soos opgeteken deur Chris Lamprecht by mev. Frances Lamprecht.  Die teks en melodie uit "Dit kom van ver af" van Chris Lamprecht (Die Staatsdrukkery, Pretoria) en word gereproduseer ingevolge die Staatsdrukker se Outeursvergunning 62 47 van 14-7-1978.