DAAR LOOP 'N JONKMAN

Woorde: C.J. LANGENHOVEN
Musiek: Na 'n Nederlandse Volkswysie; verwerk: H. PIETER VAN DER WESTHUIZEN, 1973

Daar loop 'n jonkman aan die strand--
waar, dog hy, is sy?
Al gee ek haar dan maar die hand,
en sy gee haar hand vir my--
ons twee, ek en sy!

Daar loop 'n jongnooi aan die strand--
waar, dog sy, is hy?
Al gee ek hom dan maar die hand,
en hy gee sy hand vir my--
ons twee, ek en hy!

Daar loop twee same aan die strand,
handjies in mekaar--
gegee en vasgehou die hand:
weer laatlos is glad te swaar
tussen hom en haar.

Die handjies eers en nou die soen;
eenmaal ingewy,
kan ons dit nou maar meermaal doen--
tweemaal sesmaal, tienmaal soen,
ons twee, ek en jy.

-----
Woorde en musiek:
http://tortel.net/~lochner/blerkas/?lied=139