SIERA-SARA BAMBOESBLARE

Woorde: Tradisioneel
Musiek: S.A. Volkswysie; verwerk: MARTHIE DRIESSEN

Siera-Sara bamboesblare,
o, die liefde lê aan my.
Laat ek jou lief het, dit is waar;
maar om te trou, dit val my swaar.
My ma't gesê ek kan jou kry,
maar dan moet ek nog sewe jaar vry!
Sewe jaar is nog alte lank,
dan lyk my bruin perd nes 'n plank.
En as jy hom dan ooit verkoop,
dan kin jy in jou maai in loop.
As die hoenderhaan op sy vlerke klap,
as die hoenderhaan op sy vlerke klap,
as die hoenderhaan op sy vlerke klap
dan gaat die bruin perd op galop.

S.A. Volkswysie, soos opgeteken deur Chris Lamprecht by mev. L. Morkel in Mosselbaai se distrik.  Die teks en melodie uit: "Dit kom van ver af" van Chris Lamprecht (Die Staatsdrukkery, Pretoria) en word gereproduseer ingevolge die Staatsdrukker se Outeursvergunning 62 47 van 14-7-1978.