AFRIKANERS, LANDGENOTE

Woorde: NICO HOFMEYR
Musiek: JOSEPH HAYDN; verwerk: H. PIETER VAN DER WESTHUIZEN, 1976

Afrikaners, Landgenote, wees getrou aan Volk en Taal!
Aan julselwe, aan elkander, van die Kaap tot aan die Vaal;
van Oranje tot Sambesie, in Natal en in Transvaal.
Afrikaners, Landgenote, wees getrou aan Volk en Taal!

Afrikaanse Moeders, Dogters, Afrikaanse son en veld
is beroemd deur heel die wêreld, staan in boek en lied vermeld;
hul besiel met hoop en liefde, hoër, edeler dan geld,
Afrikaanse Moeders, Dogters, Afrikaanse son en veld!

Eenheid, Vryheid, Reg en Liefde in ons dierbaar Vaderland,
daarvoor stry ons, daarvoor ly ons almal same in ons land.
Eenheid, Vryheid, Reg en Liefde, daarvoor werk ons hand aan hand,
Eenheid, Vryheid, Reg en Liefde in ons dierbaar Vaderland!

-----
Woorde en musiek:
http://tortel.net/~lochner/blerkas/?lied=37