DIE SUIDERLAND

Woorde: HUGO GUTSCHE; gewysig: CHRIS LAMPRECHT
Musiek: Swabiese Volkswysie; verwerk: CHRIS LAMPRECHT

My geliefde Suiderland, land van sonneskyn.
My geliefde Suiderland, land van sonneskyn.
Koue in Noorderland, druiwe aan Suiderstrand;
my geliefde Suiderland, land van sonneskyn.

My geliefde sonnig' land, land so oop en vry.
My geliefde sonnig' land, land so oop en vry.
Bosveld en Laeveld, grasveld en Hoëveld;
my geliefde sonnig' land, land so oop en vry.

My geliefde Suiderstrand, land van son en see.
My geliefde Suiderstrand, land van son en see.
Blou, bloue oseaan spoel teen ons strande aan;
my geliefde Suiderstrand, land van son en see.