WERDALIED

Woorde: C.J. LANGENHOVEN
Musiek: M.L. DE VILLIERS, 1921

Pas op, dis ons wat brandwag staan, dis Jong Suid-Afrika,
met oog en oor wat niks ontgaan--praat gou en reg: Werda?
Ons ken vir jou, o vriend wat kom, en ons, o vyand, jou.
Wat ons bewaak is heiligdom: Ons weet en waak getrou.

Ons hoor die grafstem uit die nag--o ouer, slaap gerus,
ons sien die voorlig van die dag--lag kindjie, werda sus!
Verlede, hede, toekoms vra: "Wie's daar wat waak?  Werda?"
Dis ons wat waak, dis werda, ja oor jou, Suid-Afrika.

-----
Woorde en musiek:
http://tortel.net/~lochner/blerkas/?lied=8